Բնակչության հետ տարվող աշխատանքների վարչություն
Պետ`Սյուզաննա Վարդազարի Կակոյան
«Սեյսմիկ պաշտպանության տարածքային ծառայություն» ՊՈԱԿ-ի Բնակչության հետ տարվող աշխատանքների վարչությունն (ԲՏԱՎ) իրականացնում է բնակչության տարբեր շերտերի սեյսմիկ պաշտպանության հիմնադրույթների ուսուցում․
- Երևան քաղաքի և ՀՀ 10 մարզերի դպրոցներում, մանկապարտեզներում և ամառային ճամբարներում «Սեյսմապաշտպանության» թեմայով ուսուցման, տեսական գիտելիքների և գործնական հմտությունների զարգացման աշխատանքներ:
- Ուժեղ երկրաշարժերի պատրաստվածության բնագավառում ուսուցիչների և դասավանդող անձնակազմի իրազեկվածության բարձրացման աշխատանքներ:
- «Սեյսմապաշտպանության» թեմայով տարհանում վարժանքների, սեմինարների, խաղ վիկտորինաների, սպորտային և շարժական խաղ-վիկտորինաների կազմակերպում
- Տեղական ինքնակառավարման մարմինների աշխատակիցների համար սեյսմիկ ռիսկի նվազեցման աշխատանքների վերաբերյալ դասընթացներ:
- Համայնքների բնակիչների համար «Սեյսմապաշտպանության» թեմայով իրազեկվածության բարձրացման աշխատանքներ։
- Կազմակերպություններում, սպասարկման ոլորտում ծառայություններ մատուցող ընկերություններում սեյսմիկ ռիսկի նվազեցման բնագավառի վերաբերյալ սեմինարների, տարհանում վարժանքների կազմակերպում:
- Ճանաչողական շրջայցերի կազմակերպում ՀՀ ՆԳՆ «ՍՊՏԾ» ՊՈԱԿ-ի Գառնիի երկրաֆիզիկական դիտարան, որտեղ 1991 թվականից տեղակայված է համաշխարհային սեյսմոլոգիական ցանցի մաս կազմող IRIS/GNI սեյսմիկ կայանը` սեյսմապաշտպանության վարքականոնների ուսուցման, սեյսմիկ վտանգի գնահատման, սեյսմիկ ռիսկի նվազեցման և ազգային դիտացանցի աշխատանքների առանձնահատկություններին ու արդի հնարավորություններին ծանոթանալու նպատակով:
- Բնակչության իրազեկվածության բարձրացման նպատակով ԶԼՄ-ներում, հրապարակումների և հաղորդումների իրականացում:
- Հատուկ կարիքներ ունեցող անձանց սոցիալական ներառման նպատակով՝ տուն ինտերնատներում, հատուկ դպրոցներում սեյսմապաշտպանության վարքականոնների ուսուցում, ուսումնական տարհանում վարժանքների կազմակերպում, մեթոդական նյութերի տրամադրում:
- Բնակչության ուսուցման և սոցիալ հոգեբանական խոցելիության բնագավառում համաշխարհային փորձի վերլուծություն և տեղայնացում:
- Բնակչության տարբեր տարիքային խմբերի իրազեկվածության բարձրացման նպատակով սեյսմապաշտպանության բնագավառի մեթոդական նյութերի ստեղծում:
