Հուլիսի 31-ից օգոստոսի 6-ը ՀՀ ներքին գործերի նախարարության Սեյսմիկ պաշտպանության տարածքային ծառայության սեյսմոլոգիական ցանցը Հայաստանի տարածքում 2-3 և ավելի բալ ուժգնությամբ գրանցել է 3 երկրաշարժ՝

• Հուլիսի 31-ին Մարտունի քաղաքից 6 կմ հյուսիս-արևմուտք՝ 3 բալ ուժգնությամբ։ Երկրաշարժը զգացվել է Գեղարքունիքի մարզի Մարտունի քաղաքում, Ձորագյուղ, Լիճք և Վարդաձոր գյուղերում՝ 2-3 բալ ուժգնությամբ։

• Օգոստոսի 1-ին Աշոցք գյուղից 3 կմ հարավ-արևելք՝ 3 բալ ուժգնությամբ։

• Օգոստոսի 5-ին Հայաստան-Վրաստան սահմանային գոտում՝ Բավրա գյուղից 18 կմ հյուսիս-արևելք՝ 3 բալ ուժգնությամբ։

Տարածաշրջանում 3 և ավելի բալ ուժգնությամբ գրանցվել է 3 երկրաշարժ՝

• Հուլիսի 30-ին Ադրբեջանում՝ 4 բալ ուժգնությամբ։ Երկրաշարժը զգացվել է Գեղարքունիքի մարզի Վարդենիս քաղաքում, ինչպես նաև Սոթք և Կութ գյուղերում՝ 3 բալ ուժգնությամբ։

• Հուլիսի 31-ին Ադրբեջանում՝ Գյանջա քաղաքից 2 կմ հյուսիս-արևմուտք՝ 3-4 բալ ուժգնությամբ։

• Օգոստոսի 3-ին Վրաստանում՝ Դմանիսի քաղաքից 7 կմ հյուսիս-արևմուտք՝ 3 բալ ուժգնությամբ։

Տարածաշրջանից դուրս 6.0 և ավելի մագնիտուդով գրանցվել է 6 երկրաշարժ: Հուլիսի 31-ին, օգոստոսի 1-ին, 3-ին և 4-ին համապասխանաբար 6.2, 6.1, 6.8 և 6.2 մագնիտուդով երկրաշարժեր են տեղի ունեցել Կուրիլյան կղզիների տարածքում: Օգոստոսի 2-ին և 3-ին 6.0 և 6.4 մագնիտուդով սեյսմիկ իրադարձություններ են գրանցվել համապատասխանաբար Կամչատկայի Պետրոպավլովսկ քաղաքից 160 կմ հարավ-արևելք և Հարավխաղաղօվկիանոսային լեռնաշղթայի տարածքում:

Կազմեց ՆԳՆ ՍՊՏԾ դիտացանցի և մոնիթորինգի վարչության գլխավոր մասնագետ Գայանե Վարդանյանը։