Ուսուցանվել է մոտ 3800 անձ
ՀՀ ներքին գործերի նախարարության Սեյսմիկ պաշտպանության տարածքային ծառայության բնակչության հետ տարվող աշխատանքների վարչությունն ամփոփում է հուլիս ամսվա միջոցառումները։
Երևան քաղաքի 9 նախադպրոցական ուսումնական հաստատությունում իրականացվել է տարահանման վարժանք: Մասնակցել է 1111 սան, 204 դաստիարակ և աշխատակից:
Դավթաշեն վարչական շրջանի ղեկավարի աշխատակազմի հետ ԲՏԱՎ մասնագետներն անցկացրել են սեմինար-քննարկում, որին մասնակցել է 14 աշխատակից:
7 մարզի 27 նախադպրոցական ուսումնական հաստատությունում և 1 կրթական կենտրոնում իրականացվել է սեյսմապաշտպանության վարքականոնների ուսուցում: Ուսուցանվել է 1288 սան, 391 դաստիարակ, աշխատակից և ծնող:
11 նախադպրոցական ուսումնական հաստատությունից 683 սան, 117 դաստիարակ և աշխատակից մասնակցել է տարահանման վարժանքի։
Վայոց ձորի, Կոտայքի, Շիրակի և Սյունիք մարզերի 4 համայնքապետարանի աշխատակազմի մասնակցությամբ իրականացվել է «Երկրաշարժը․ երկրաշարժից պաշտպանվելու վարքականոնները» թեմայով սեմինար-քննարկում: Մասնակցել է 77 անձ։
Ընդհանուր՝ հուլիսին Երևանում և մարզերում ուսուցման և իրազեկման միջոցառումներ են իրականացվել 53 հաստատությունում, որոնց մասնակցել է 3885 անձ:
