Օգոստոսի 7-13-ը ՀՀ ներքին գործերի նախարարության Սեյսմիկ պաշտպանության տարածքային ծառայության սեյսմոլոգիական ցանցը Հայաստանի տարածքում 2-3 և ավելի բալ ուժգնությամբ գրանցել է 2 երկրաշարժ՝

• Օգոստոսի 10-ին Մարտունի քաղաքից 6 կմ հյուսիս-արևմուտք՝ 2-3 բալ ուժգնությամբ։ Երկրաշարժը զգացվել է Գեղարքունիքի մարզի Ծակքար գյուղում՝ 2 բալ ուժգնությամբ։

• Օգոստոսի 10-ին Մարտունի քաղաքից 6 կմ հյուսիս-արևմուտք՝ 2-3 բալ ուժգնությամբ։

Տարածաշրջանում 3 և ավելի բալ ուժգնությամբ գրանցվել է 4 երկրաշարժ՝

• օգոստոսի 7-ին Իրանի Խոյ քաղաքից 13 կմ հյուսիս-արևմուտք՝ 4 բալ ուժգնությամբ,

• օգոստոսի 7-ին Իրանի Խոյ քաղաքից 16 կմ հյուսիս-արևմուտք՝ 4 բալ ուժգնությամբ,

• օգոստոսի 9-ին Ադրբեջանի Մինգեչաուր քաղաքից 58 կմ արևելք՝ 5-6 բալ ուժգնությամբ,

• օգոստոսի 13-ին Վրաստանի Դմանիսի քաղաքից 21 կմ հյուսիս՝ 4 բալ ուժգնությամբ։

Տարածաշրջանից դուրս 6.0 և ավելի մագնիտուդով գրանցվել է 3 երկրաշարժ: Օգոստոսի 9-ին 6.0 մագնիտուդով երկրաշարժ է տեղի ունեցել Ռուսաստանի Դաշնության Սախալինի մարզի Սևերո-Կուրիլսկ քաղաքից 263 կմ արևելք: Հաջորդ օրը 6.2 մագնիտուդով սեյսմիկ իրադարձություն է գրանցվել Թուրքիայի Բիգադիչ քաղաքից 14 կմ հարավ-արևմուտք: Երկրաշարժի հետևանքով կան ավերածություններ:

Օգոստոսի 12-ին Ինդոնեզիայի Ջայապուրա քաղաքից 213 կմ արևելք գրանցվել է երկրաշարժ 6.3 մագնիտուդով:

Կազմեց ՆԳՆ ՍՊՏԾ դիտացանցի և մոնիթորինգի վարչության գլխավոր մասնագետ Գայանե Վարդանյանը։