ՀՀ ներքին գործերի նախարարության Սեյսմիկ պաշտպանության տարածքային ծառայության հյուսիսային տարածաշրջանային կենտրոնի նախաձեռնությամբ՝ Լոռու մարզի Ալավերդու համայնքապետարանում կայացել է սեյսմապաշտպանության և սեյսմիկ ռիսկի նվազեցման թեմայով սեմինար-քննարկում։

Զեկույցներով հանդես են եկել գլխավոր փորձագետ Սերգեյ Նազարեթյանը, բնակչության հետ տարվող աշխատանքների բաժնի պետ Ելենա Սեխպոսյանը և կառուցվածքների սեյսմակայունության բաժնի պետ Սերգեյ Թաթոյանը։

Անձնակազմի հետ քննարկվել են տվյալ տարածաշրջանին բնորոշ սեյսմիկ վտանգները և ռիսկի նվազեցմանն ուղղված քայլերը, այդ թվում՝ սեյսմազինվածության բարձրացման վերաբերյալ հարցեր։

Հանդիպմանը հաջորդել է սեյսմապաշտպանության թեմայով ուսուցում Ալավերդու պետական քոլեջի սաների և մանկավարժների համար։

Լուսանկարները՝ Հյուսիսային տարածաշրջանային կենտրոնի