Օգոստոսի 14-20-ը ՀՀ ներքին գործերի նախարարության Սեյսմիկ պաշտպանության տարածքային ծառայության սեյսմոլոգիական ցանցը Հայաստանի տարածքում 2-3 և ավելի բալ ուժգնությամբ երկրաշարժ չի գրանցել:

Տարածաշրջանում 3 և ավելի բալ ուժգնությամբ գրանցվել է 3 երկրաշարժ՝

• Օգոստոսի 14-ին Իրանում՝ Խոյ քաղաքից 32 կմ արևելք՝ 4-5 բալ ուժգնությամբ,

• Օգոստոսի 16-ին Ադրբեջանի Թովուզ քաղաքից 38 կմ արևելք՝ 4-5 բալ ուժգնությամբ։ Երկրաշարժը զգացվել է Տավուշի մարզի Ոսկեվան, Արծվաբերդ, Ներքին Կարմիր Աղբյուր, Այգեձոր և Չինարի գյուղերում՝ 2-3 բալ ուժգնությամբ։

• Օգոստոսի 18-ին Ադրբեջանի Բարդա քաղաքից 8 կմ հյուսիս-արևելք՝ 4-5 բալ ուժգնությամբ։

Տարածաշրջանից դուրս 6.0 և ավելի մագնիտուդով գրանցվել է 1 երկրաշարժ, մասնավորապես՝ օգոստոսի 14-ին Վանուատուի Սոլա բնակավայրից 285 կմ դեպի հյուսիս-արևմուտք՝ 6.3 մագնիտուդով: Երկրաշարժի հետևանքով զոհեր և ավերածություններ չկան:

Կազմեց ՆԳՆ ՍՊՏԾ դիտացանցի և մոնիթորինգի վարչության գլխավոր մասնագետ Գայանե Վարդանյանը։