Օգոստոսի 21-27-ը ՀՀ ներքին գործերի նախարարության Սեյսմիկ պաշտպանության տարածքային ծառայության սեյսմոլոգիական ցանցը Հայաստանի տարածքում 2-3 և ավելի բալ  ուժգնությամբ գրանցել է 3 երկրաշարժ՝

1. Օգոստոսի 22-ին Հայաստան-Ադրբեջան սահմանային գոտում՝ Նոյեմբերյան քաղաքից 19 կմ հարավ՝ 4 բալ ուժգնությամբ։ Երկրաշարժը զգացվել է Տավուշի մարզի Նոյեմբերյան, Իջևան, Բերդ քաղաքներում, Ոսկեպար, Աչաջուր, Կոթի գյուղերում՝ 3 բալ, ինչպես նաև Լոռու մարզի Ալավերդի, Ստեփանավան քաղաքներում, Դսեղ, Լորուտ և Թեղուտ գյուղերում՝ 2-3 բալ ուժգնությամբ։

2. Օգոստոսի 24-ին Սպիտակ քաղաքից 13 կմ հյուսիս-արևմուտք՝ 2-3 բալ ուժգնությամբ։

3. Օգոստոսի 25-ին Նոյեմբերյան քաղաքից 21 կմ հարավ-արևմուտք՝ 3 բալ ուժգնությամբ։

Տարածաշրջանում 3 և ավելի բալ ուժգնությամբ գրանցվել է 1 երկրաշարժ, մասնավորապես՝ օգոստոսի 24-ին Վրաստանի Նինոծմինդա քաղաքից 16 կմ հյուսիս-արևելք՝ 3 բալ ուժգնությամբ։

Տարածաշրջանից դուրս 6.0 և ավելի մագնիտուդով գրանցվել է 4 երկրաշարժ՝

• Օգոստոսի 22-ին Դրեյկի նեղուցի տարածքում՝ Արգենտինայի Ուշուայա քաղաքից 715 կմ հարավ-արևելք՝ 7.5 մագնիտուդով:

• Օգոստոսի 23-ին Սալվադորի Սանտա Անա քաղաքից 120 կմ հարավ-արևմուտք՝ 6.0 մագնիտուդով:

• Օգոստոսի 25-ին Ռուսաստանի Դաշնության Սախալինի մարզի Սևերո-Կուրիլսկ քաղաքից 314 կմ հարավ-արևելք՝ 6.1 մագնիտուդով:

• Օգոստոսի 27-ին Կամչատկայի մարզի Կամչատկայի Պետրոպավլովսկ քաղաքից 258 կմ հարավ՝ 6.0 մագնիտուդով։

Կազմեց ՆԳՆ ՍՊՏԾ դիտացանցի և մոնիթորինգի վարչության գլխավոր մասնագետ Գայանե Վարդանյանը։