ՀՀ ներքին գործերի նախարարության Սեյսմիկ պաշտպանության տարածքային ծառայության հյուսիսային տարածաշրջանային կենտրոնը փետրվարին իրականացրել է ուսուցման և իրազեկման մի շարք միջոցառումներ։

Բնակչության հետ տարվող աշխատանքների բաժնի մասնագետները սեյսմապաշտպանության թեմայով դասախոսություն են կարդացել՝

📍Վանաձորի Ա․ Պուշկինի անվան թիվ 4 հիմնական դպրոցում,

📍Վանաձորի Ա․Խլղաթյանի անվան թիվ 14 միջնակարգ դպրոցում,

📍 Վանաձորի Խ․ Աբովյանի անվան թիվ 9 հիմնական դպրոցում,

📍Սպիտակի Վարդանանց թիվ 4 հիմնական դպրոցում,

📍 Հայաստանի Գեղարվեստի պետական ակադեմիայի Գյումրիի մասնաճյուղում,

📍 Փանիկի միջնակարգ դպրոցում։

Քննարկվել են դպրոցներում առկա խնդիրները, որոնք կարող են խոչընդոտել տարահանման գործընթացին։ Հնչել են առաջարկներ սեյսմիկ անվտանգության ապահովման կարողությունները բարելավելու վերաբերյալ։

Տարահանման վարժանքներ են իրականացվել՝

📍Սպիտակի Ա․Շիրակացու անվան թիվ 8 միջնակարգ դպրոցում,

📍Սպիտակի Դ․ Տեր-Սիմոնյանի թիվ 2 հիմնական դպրոցում,

📍 Սարակապի միջնակարգ դպրոցում,

📍 Վահագնիի միջնակարգ դպրոցում։

Ի դեպ, Սպիտակի Դ․ Տեր-Սիմոնյանի թիվ 2 հիմնական դպրոցում տարահանումից հետո զեկույցները զինղեկին ներկայացրել են անձամբ աշակերտները, որոնք նախապես ընտրվել էին՝ որպես դասարանի պատասխանատու։ Նրանք տվյալներ են հաղորդել բացակաների և պայմանական տուժածների մասին։ Դպրոցի բակում ծալալված առաջին օգնության տեղամասում տուժածներին օգնություն են ցուցաբերել կամավորները։

Ամսվա ընթացքում Հյուսիսային տարածաշրջանային կենտրոն են այցելել Ախուրյանի թիվ 1 հիմնական դպրոցի աշակերտները։ Նրանք շրջել են տարբեր բաժիններում, ծանոթացել երկրաշարժերի տվյալների հավաքման օպերատիվ կենտրոնի աշխատանքին, ինչպես նաև ուսուցանվել երկրաշարժից պաշտպանվելու վարքականոնները։

ԱՆԻ ԱՆՏՈՆՅԱՆ

Լուսանկարները տրամադրել են ԲՏԱԲ մասնագետները։