Օրերս Երևանի Մովսես Ջանբազյանի անվան թիվ 79 հիմնական դպրոցում անցկացվեց սեյսմապաշտպանության թեմայով սպորտային և շարժական խաղ-վիկտորինա, որին մասնակցեցին վեցերորդ դասարանի աշակերտների երեք հավաքական թիմերը։

Խաղը գնահատեցին ՀՀ ներքին գործերի նախարարության «Սեյսմիկ պաշտպանության տարածքային ծառայության» բնակչության հետ տարվող աշխատանքների վարչության մասնագետները՝ վարչության պետի տեղակալ Աիդա Ավետիսյանը, բաժնի պետեր Լիլիթ Ստեփանյանն ու Գոհար Արամյանը, գլխավոր մասնագետ Անի Արամյանը։

Հաշվի առնվեցին խաղի ժամանակ երեխաների դրսևորած արագաշարժությունը, կողմնորոշման հմտությունները, սեյսմիկ անվտանգության թեմայով տեսական գիտելիքը և թիմային աշխատանքը։

Հաղթող ճանաչվեցին «Գոյ» և «Ճառագայթ» թիմերը։ Երկրորդ տեղը զբաղեցրեց «Հորիզոն»-ը։ Շնորհակալագիր հանձնվեց նաև միջոցառման կազմակերպմանն աջակցած բոլոր մանկավարժներին։

Լուսանկարները՝ այստեղ։ 

Անի ԱՆՏՈՆՅԱՆ