Մարտի 6-12-ը ՀՀ ներքին գործերի նախարարության «Սեյսմիկ պաշտպանության տարածքային ծառայության» սեյսմոլոգիական ցանցը Հայաստանի Հանրապետության տարածքում 2-3 և ավելի բալ ուժգնությամբ գրանցել է 5 երկրաշարժ՝

• մարտի 8-ին Հայաստանում՝ Սպիտակ քաղաքից 10 կմ հյուսիս՝ 6-7 բալ ուժգնությամբ։ Երկրաշարժը զգացվել է Լոռու, Շիրակի և Տավուշի մարզերում՝ 4-6 բալ ուժգնությամբ, Կոտայքի, Գեղարքունիքի և Արագածոտնի մարզերում՝ 2-4 բալ ուժգնությամբ․

• մարտի 8-ին Հայաստանում՝ Սպիտակ քաղաքից 8 կմ հյուսիս՝ 2-3 բալ ուժգնությամբ․

• մարտի 8-ին Հայաստանում՝ Սպիտակ քաղաքից 10 կմ հյուսիս՝ 4 բալ ուժգնությամբ։ Երկրաշարժը զգացվել է Լոռու մարզում՝ Սպիտակ, Ստեփանավան և Վանաձոր քաղաքներում ՝ 2-3 բալ ուժգնությամբ․

• մարտի 9-ին Հայաստան-Նախիջևան սահմանային գոտում՝ Մեղրի քաղաքից 7 կմ արևմուտք՝ 2-3 բալ ուժգնությամբ․

• մարտի 12-ին Հայաստանում՝ Երևան քաղաքից 13 կմ հարավ-արևմուտք՝ 3-4 բալ ուժգնությամբ։ Երկրաշարժը զգացվել է Երևան քաղաքում և Կոտայքի մարզում՝ 2-3 բալ ուժգնությամբ։

Տարածաշրջանում 3 և ավելի բալ ուժգնությամբ գրանցվել է 2 երկրաշարժ՝

• մարտի 9-ին Իրանում՝ Խոյ քաղաքից 23 կմ արևելք՝ 5 բալ ուժգնությամբ․

• մարտի 11-ին Իրանում՝ Խոյ քաղաքից 16 կմ հարավ-արևելք՝ 3-4 բալ ուժգնությամբ։

Տարածաշրջանից դուրս 6.0 և ավելի մագնիտուդով գրանցվել է 3 երկրաշարժ: Մարտի 6-ին 6.1 մագնիտուդով սեյսմիկ իրադարձություն է տեղի ունեցել Չիլիի Կալամա քաղաքից 104 կմ դեպի հարավ, մարտի 10-ին՝ Նորվեգիայի Յան Մայեն կղզու տարածքում՝ 6.5 մագնիտուդով, մարտի 12-ին՝ Հնդկական օվկիանոսի արևելքում՝ Նիկոբարյան կղզեխմբի տարածքում՝ 6.1 մագնիտուդով։

Երկրաշարժերի հետևանքով զոհեր և ավերածություններ չկան: