ՀՀ ներքին գործերի նախարարության «Սեյսմիկ պաշտպանության տարածքային ծառայության» բնակչության հետ տարվող աշխատանքների վարչության նախաձեռնությամբ՝ Երևանի Ա․ Չեխովի անվան թիվ 55 հիմնական դպրոցում անցկացվեց «Պատրաստ եղիր դիմակայելու աղետին» խորագրով խաղ-վիկտորինա։

Մասնակցում էր 9-րդ դասարանի աշակերտներից կազմված 6 թիմ։ Հաղթող ճանաչվեցին «Իրազեկ աշակերտ» և «Մեկ ընտանիք, մեկ դասարան» թիմերը։

Խաղը գնահատեցին ԲՏԱՎ պետի տեղակալ Աիդա Ավետիսյանը, բաժնի պետեր Լիլիթ Ստեփանյանն ու Գոհար Արամյանը, գլխավոր մասնագետ Անի Արամյանը։

Դպրոցի տնօրեն Դիանա Մինասյանը կարևորեց նման միջոցառումները՝ նշելով, որ այս խաղի շնորհիվ երեխաները սովորեցին ավելին, քան ողջ ուսումնառության ընթացքում։ Առաջարկ եղավ ընդլայնել միջոցառման շրջանակը և ընդգրկել նաև մյուս դասարանների աշակերտներին։

Հանդիպման ավարտին դպրոցի ղեկավարության հետ քննարկվեց սեյսմապաշտպանության թեմայով սպորտային և շարժական խաղ անցկացնելու ընթացակարգը։

Լուսանկարները՝ այստեղ։

Մանրամասները՝ տեսանյութում։ 

ԱՆԻ ԱՆՏՈՆՅԱՆ