ՀՀ ներքին գործերի նախարարության Սեյսմիկ պաշտպանության տարածքային ծառայությունը տարիներ շարունակ համագործակցում է դպրոցների և բարձրագույն ուսումնական հաստատությունների հետ։

Արդեն բարի ավանդույթ է դարձել՝ անվտանգության ոլորտում մասնագիտացող ուսանողներն իրենց արտադրական պրակտիկայի մի փուլն անցնում են Գառնիի երկրաֆիզիկական դիտարանում։ Դիտարանը գրավում է նաև ավագ դպրոցականներին, որոնք «երկրաշարժ» երևույթին ծանոթանում են «Աշխարհագրություն» և «Ֆիզիկա» առարկաներից։ Նրանց ներկայացվում են դիտարանի տեխնիկական հնարավորությունները, երկրաշարժից պաշտպանվելու վարքականոնները և այլն։

Քանի որ Գառնիի երկրաֆիզիկական դիտարանը, ելնելով իր գործունեության տեսակից, գտնվում է բնակելի տարածքներից հեռու, ՍՊՏԾ նախաձեռնությամբ ճանապարհներին տեղադրվել են ուղղորդող ցուցանակներ, ինչը ավելի կհեշտացնի կողմնորոշումը։

Google քարտեզը՝ https://maps.app.goo.gl/K5cusnQV2sHgXjtc7

Խմբային այցի մանրամասները՝ այստեղ։