Եվրոպական-Միջերկրական սեյսմոլոգիական կենտրոնը (EMSC) Տելեգրամ հարթակում գործարկել  է LastQuake հավելվածի բոտը, որն այսուհետ կտեղեկացնի ձեզ ձեր գտնվելու վայրից մինչև 1000 կմ շառավղով գրանցված երկրաշարժերի մասին։

Բոտը տրամադրում է արագ և նախնական տվյալներ, իսկ ամբողջական տեղեկատվության համար անհրաժեշտ է այցելել https://m.emsc.eu կայք կամ LastQuake հավելված։

Ծրագիրը հնարավորություն է տալիս՝

📍 Ներբեռնել ձեր լոկացիան, 

📍Տեղադրել մանրամասներ, եթե զգացել եք երկրաշարժ։

Ի դեպ, LastQuake ծրագիրը հասանելի է հայերեն՝ ՀՀ ներքին գործերի նախարարության Սեյսմիկ պաշտպանության տարածքային ծառայության բնակչության հետ տարվող աշխատանքների վարչության մասնագետների շնորհիվ։ Հավելվածում կարող եք գտնել ուղեցույց՝ ինչպես պաշտպանվել երկրաշարժից և ցունամիից, ինչպես կապվել արձագանքող ուժերի հետ և այլն։

Հավելվածն ու բոտը հարմար են ճամփորդել պատրաստվողների համար՝ անվտանգ հանգիստ կազմակերպելու նպատակով։ 

Անի Անտոնյան